الغريبة بالقشطة الأصلية الشامية مع سر نجاحها بالبيت|معمول بالقشطة

المقادير :-

1 كيلو طحين (10) كاسات.

600 غ سمن (2) كاسة .

400 غ سكر بودرة (4) كاسات.

2 معالق كبيرة قطر.

طريقة التحضير :-

أولا بصحن نحط طحين ونضيف عليه 500 غ من مقدار السمنة ، ونترك الباقي على جمب لوقت آخر ، وإذا احتاجت العجينة بنضيف أكتر ، من ثم نبدأ بالدعك ، ولما تمسك معنا العجينة ننقلها على الطاولة ونقلبها وندعكها كما هو موضح بالفيديو ، حتى تبيض وتفتح معنا ، وكلما فتحت كانت النتيجة أفضل وأحسن.

في ناس بتضيف السكر البودرة على السمنة وتدعكهم قبل إضافة الطحين ، أما إحنا أصحاب المحلات نضيف الطحين أولا من أجل أن نقدر ندعك السمنة والطحين قد مابدنا حتى تفتح العجينة ويصير قوامها منيح وناعم.

نصيف كاستين السكر البودرة على دفعات تدريجيا ، وندعك حتى تختفي كاسة السكر الأولى نضيف الكاسة التانية. 

هي العجينة لازم تنعجن وتندعك على طاولة تحديدا ، بدون مانحطها بوعاء.

بعد مادعكناها مزبوط نحط مقدار القطر وندعك أيضا ، من ثم نفردها ونغلفها بصينية بالبراد حتى تتماسك وتشد شوي ، أو ممكن نحطها بالفريزر كم دقيقة للسرعة.

بعد ذلك صارت العجينة متل الحجر ، بنطلعها ونفرطها براحة اليد ضغط خفيف بكل سهولة بفرط وترخي ، وبعد 5 دقايق بترجع عجينة ، إذا كانت ناشفة شوي نضيف عليها ملعقة سمنة ونطري العجينة فيها ، حتى تصير ناعمة كما هو موضح بالفيديو.

طبعا عجينة الغريبة مابتنشغل غير وهي باردة تحديدا ، حتى لو دفيت أو ساخت نرجع نحطها بالبراد حتى تشد ، من ثم نرجع نشتغل فيها.

من ثم ناخذ قسم من العجينة ونمده بشكل طول ، نقطعه قطع حسب حجم القالب الموجود عنا ، إذا مو متوفر قالب الغريبة ممكن نستبدله بغطاء عصارة الليمون بدلا من ذلك ، ولكن القالب أفضل وأحسن.

نرش قالب الغريبة طحين أو سكر بودرة ، السكر البودرة أفضل ويعطي نتيجة أحسن ولكن بيسيخ العجينة فممكن يصعب عملية التشكيل.

نكور العجينة ونبدأ نحفرها من الوسط متل الكبة بدون مانرقها كتير ، بحيث تكون السماكة متوسطة ، من ثم نحشيها بالقشطة.

نبدأ نسكر عليها شوي شوي متل الكبة حتى لا تظهر القشطة لبرا وإلا رح تفتح العجينة بالفرن ، أخيرا نضغط ضغطة خفيفة على القاعدة حتى تصير مستوية وتأخذ الشكل ، ندقها عالطاولة حتى نحررها من القالب ، ونكرر العملية حتى ننتهي من كل الكمية ، من الكيلو بيطلع عنا 51 قرص.

من ثم علينا أن نحطهم بالفريزر نص ساعة على الأقل  حتى يصيرو قاسيين متل الحجر تحديدا ، حتى لو تشققو بالفريزر عادي يرجعو بيتماسكو ويضبو بالفرن.

هي أهم خطوة لشوي الغريبة بالقشطة التفريز تحديدا ، من أجل أن لما ندخلها الفرن تحافظ على شكلها وماتهبط وتختفي الرسمة.

في نفس الوقت للزينة ننقع الفستق ونقشرو حتى لا يحترق بالفرن.

من ثم علينا أن نحمي الفرن على أعلى درجة حرارة موجودة ونشغلو من فوق وتحت ، نتركو حتى يحمى على الأخير ، نطلع الغريبة من الفريزر فورا على الفرن ، نحط الصينية على الرف الفوقاني أعلى مستوى ، وبعد 5 دقايق نشوفهم ونلف الصينية على الجهة الأخرى حتى تتوزع الحرارة وتأخذ لون موحد ، نتركهم أيضا دقيقتين ولكن نراقبهم لأنهم ممكن ينحرقو بسرعة بهي المرحلة ، حبذا لو خليناهم يتحمرو شوي بيطلع الشكل واللون أحلى مو باهت.

بعد ذلك أول مانطلعهم من الفرن نرش عليهم معلقتين من سمنة البقرة الحلوب.

أهم خطوة لما تطلع من الفرن مانحركهم ولا ناكلهم لأن القشطة سخنة وعم تغلي.

أخيرا 3 نصائح لنجاح الغريبة بالقشطة :

1. لما تسيخ العجينة واحنا عم نشتغل نرجعها على البراد دايما ، ويفضل نطلع كمية صغيرة من العجينة نشتغل فيها من ثم نجيب كمية تانية وهكذا حتى لا تسيخ.
2. علينا أن نفرزها منيح حتى تصير متل الحجر حتى لا تسيخ وتهبط العجينة بالفرز وتطلع القشطة منها.
3. ضروري نحمي الفرن على أعلى درجة حرارة موجودة ، كلما كان حامي وسخن أكتر كلما كأن أفضل ، نخليهم من 5 إلى 7 دقايق مو أكتر حتى لا تحترق.