بروفيتلور فرنسي بالبيت مع الشيف بلال عمر
المقادير :-
عجينة الشو choux :
ماء 80 مل (ثلث كاسة).
حليب 80 مل (ثلث كاسة).
زبدة 70 غ (ملعقتين كبار).
فانيليا.
طحين متعدد الاستعمالات 100غ (كاسة).
3 بيض .
رشة ملح خفيفة.
ملعقة سكر صغيرة.
تخبز بدرجة حرارة 160 مدة 30 دقيقة.
الطبقة الخارجية (كوكيز) أو ما تسمى ب Craquelin :
زبدة 60 غ (ملعقتين كبار تقريبا).
طحين 60 غ (ثلثين كاسة).
سكر 50 غ (ربع كاسة).
تجمد لمدة 15 دقيقة على الأقل.
كريمة الباتيسري :
حليب كامل الدسم 500 مل.
طحين 75 غ (تلت ارباع الكاسة).
نشاء 30 غ (ملعقة ونصف).
سكر 100 غ (نصف كاسة).
2 صفار البيض.
100 غ شوكولاتة بيضاء أو داكنة حسب الرغبة والحشوة.
طريقة التحضير :-
أولا لتحضير عجينة الشو :
بطنجرة على النار بنحط الماء ونضيف الحليب والزبدة والسكر والملح لتثبيت النكهة وحتى يشد العجينة ، ونحركهم ونتركهم حتى يغلو منيح.
بعد ذلك نضيف الطحين المنخول تحديدا على دفعة وحدة بدون مانحرك حتى نحط كل الكمية ، ثم نخلطهم حتى تمتزج المكونات منيح إلى أن يصير عنا عجينة مابتلزق بالطنجرة تشبه حلاوة الجبن.
نطفي النار ونتركها تدفى 5 إلى 10 دقايق.
من ناحية أخرى يجب علينا أن تحضير طبقة الكوكيز الخارجية :
بصحن نحط السكر والزبدة وندعكهم ونعجنهم منيح ، بعد ذلك نضيف الطحين دفعة واحدة وندعكهم ، ونتركها بالبراد 5 دقايق تقريبا ، بعد ماتشد وتتماسك بالبراد نحطها على ورق زبدة ونغطيها ونفردها بالشوبك على سماكة وحدة متل سماكة الصفيحة تقريبا كما هو موضح بالفيديو ، نتأكد أنها انفردت منيح بدون أي تجمعات ، نحطها على صينية حتى تبقى بمستوى واحد ونملسها مرة تانية باليد ، ونتركها بالبراد 10 إلى 15 دقيقة تقريبا.
علينا أن نحمي الفرن على درجة حرارة 150 إلى 160 مئوية ، ويكون شغال من فوق وتحت وحبذا لو نطفي المروحة إذا أمكن.
من ناحية أخرى بتكون عجينة الشو دفيت وخفت حرارتها ، نطلعها من البراد ونحركها تقليبة خفيفة ، ومن ثم نبدأ نضيف الفانيليا والبيض بالتدريج ونحرك ، بحيث لما تختفي البيضة الأولى نضيف البيضة التانية وهكذا ، حتى يصير عنا في النهاية عجينة طرية فيها مطّة على شكل ٧ متل حلاوة الجبن تقريبا.
حبذا لو نستخدم ميزان الطعام حتى يكون الشغل دقيق ، لو مو متوفر مو مشكلة نشوف بالعين إذا بتحتاج العجينة بيض زيادة لو كان حجمه صغير ، أخيرا نعبي العجينة بكيس كريمة.
على صينية نبدأ نشكل البروفترول ، نخلي فوهة الكيس تحت باتجاه الصينية ، ونضغط الكيس ونسحب لفوق حتى يصير عنا الشكل المناسب كما هو موضح بالفيديو.
نطلع طبقة الكوكيز من البراد ونقطعها بقالب يكون حجمه أكبر من حجم البروفترول بشوي ، ونحطها فوق البروفترول.
لازم تكون قاسية لنقدر ننقلها ، ولو ماطلعت من ورق الزبدة بسهولة ممكن نرجعها عالبراد لتتماسك.
وللصينية إلي ماحطينا لها طبقة الكوكيز نرش وجهها بسكر بودرة ، لأن بيعطي طراوة ورطوبة للبروفترول حتى لا يتشقق معنا.
نحط الصينية بالفرن بالرف الوسطاني لمدة 30 دقيقة.
في تلك الأثناء بنحضر كريمة الباتسيري :
بطنجرة نحط الحليب ونضيف عليه السكر والطحين والنشا والبيض ، ونحركهم عالبارد حتى يذوب الطحين منيح ، بعد ذلك نشغل النار تحتهم ونستمر بالتحريك ٧ دقايق تقريبا ، لما تتقل الكريمة نتركها دقيقتين كمان ومانوقف تحريك ، بعد ذلك نطفي النار ونضيف الشوكولاتة أو الزبدة والفانيليا ونحرك حتى تذوب الشوكولاتة. لما تبرد رح تتماسك الكريمة وتكمش أكتر. نتركها تبرد بحرارة الغرفة وبعدين نحطها بالبراد. وبينما بردت بنحضر كريمة الشانتيه للزينة.
أي نوع حلويات لما نضيف عليه الشوكولاتة لازم نطفي النار عليه.
أخيرا نطلع البروفترول من الفرن ونتركها تبرد تماما ، نشيلها من الصينية بانتباه ونعومة ، بالسكين نلف لفة من تحت برمة صغيرة حتى نعمل مكان لنقدر نحشيها بالكريمة وهي أساسا طرية ، نحشيها بكريمة الباتسيري ، ونزينها من فوق حسب الرغبة ب كريمة شانتيه وقطع فراولة وكيوي.
وللصينية إلي بدون طبقة الكوكيز نقطعها من النص بسكينة منشار تحديدا ونحشيها كريمة ونرش على وجهها سكر ناعم. وصحة وهنا
