طاووق بيلاف أكلة الرياضيين المفضلة

طاووق بيلاف أكلة الرياضيين المفضلة

المقادير:-

الرز : 

1.5 كيلو ونصف رز قصير مصري تحديدا (9 كاسات) ، حتى مايطعّم لأن مارح نضيف بهارات ، بينما الطويل مخصص للكبسة لأنه يحتاج بهارات كتير حتى تضيع طعمتو لان فيه طعمه.

10.5 عشر كاسات ونصف ماء للطبخ.

1 كاسة زيت.

ملعقة زبدة (اختياري).

شرحات ليمون (اختياري).

½ كيلو حمص ، منقوع قبل بيوم وينطبخ تاني يوم مع ملعقة كبيرة ملح.

اللحمة :

لحم (فخذ الخروف) مقطع بشكل بندقي.

2 ملعقة كبيرة زبدة.

ملعقة صغيرة ملح.

الفروج :

2 صدر دجاج ، حبذا يكون بالعظم بالتالي يعطي زكاوة أكتر.

ماء.

بصلة.

ورق غار.

ملعقة كبيرة ملح.

زبدة.

طريقة التحضير :-

أولا نغسل الرز غسلة بسيطة ، حتى تروح منو النشويات وننشفه من الماء حتى نقدر نقليه بالزيت ونشوحه ، ماننعقو وإلا مارح يتشوح أبدا. 

نقطع اللحم بندقية أو أكبر شوي مثلا كشاورما اللحمة حسب الرغبة.

نبدأ نغسل الفروج بشكل منيح ، وهلأ يجب علينا أن نسلقه ، بطنجرة نحط ماء والبصل حتى تخفي الزنخة وورق الغار ، مانضيف أي بهارات ثانية حتى لا يتغير الطعم ، ونضيف الفروج ونتركه حتى يطلع الزنخة.

يفضل نستخدم الفروج مع العظم ، حتى يعطي للمرقة الزكاوة ، وبالتالي يعطينا طعم رائع للرز.

من ناحية أخرى بنطجرة بخار بنحط الحمص وبنضيف الماء ، نحطهم على النار ونتركهم حتى تطلع الرغوة.

إذا مو متوفرة طنجرة البخار ننقع الحمص قبل بيوم بماء مع شوية بيكربونات الصوديوم. 

نتأكد كل شوي من طنخرة البخار لأنها خطرة.

وفي الوقت نفسه نحط اللحم بطنجرة بدون إضافة أي شي على نار قوية ، بعد ذلك نخلي النار هادية جدا مثل الشمعة حتى تنزل الماء.ونضيف الملح ونغطيه لمدة نص ساعة إلى ساعة و10 دقايق تقريبا. بعد ذلك نطفي النار ونضيف الزبدة ونغطيها حتى تذوب.

بعد ماطلعت زنخة الفروج على الوجه نصفيها ونضيف الملح ونغطيها ، ونتركها نص ساعة إلى ساعة و10 دقايق تقريبا. بعد ذلك نصفي الفروخ ونحتفظ بالمرقة ونصفيها لأننا رح نستعمله بطبخ الرز فيما بعد.

بعد ماطلعت رغوة الحمص بنشيلها ، نضيف الملح ونغطيه ، ونتركه من نص ساعة إلى ساعة و10 دقايق تقريبا. بعد ذلك بنصفيه.

هلأ بدنا نطبخ الرز ، كما نتأكد أن الرز نشف تماما ، وإلا مارح يتحمص منيح إذا كان رطب.

نحط الزيت بالطنجرة وننتظر حتى يحمى ، ننتبه مايكون حامي لئلا يحرق الرز ، نضيف الرز ونقلبه لمدة 7 دقائق تقريبا. كل كم دقيقة نقلبه تقليبة خفيفة من تحت إلى فوق ، مانقلب كتير حتى لا يتكسر الرز.

هي الطريقة من أسرار طهي الرز ، بيعطينا نتيجة ناجحة رائعة ، رز مدردر ومفلفل الحبة وأختها ، حتى لو كان نوع الرز سيء رح ينجح بهي الطريقة.

بعد ذلك بنضيف لمرقة الدجاج الماجي ونذوبهم منيح ، بدون مانضيف أي ملح لأن حطينا مسبقا للمرقة ، من ثم نضيفهم على الرز ، نخلي النار قوية بدون مانغطي الطنجرة حتى يغلي الماء ويبلش يبقبق ، بعد ذلك نغطيه وبعد 5 دقايق رح يشربو الماء تقريبا ، نقلبهم تقليبة خفيفة من تحت لفوق ، نخلي النار هادية ونتركه أقل شي ثلث ساعة.

بعد ماأستوى نقلبه تحريكة بسيطة ، وليعطينا النكهة الرائعة جدا نحط على الوجه قطع زبدة ، وشرايح ليمون حتى يعطي الرز نكهة عطرية.

خطوة تقلاية الرز مهمة حتى يأخذ الرز النكهة الأصلية أفضل مانضيف عليه المرقة فورا وينسلق سلق ، وهي الطريقة إلي أغلب الأتراك بيعملوها في المطاعم.

هي الأكلة مناسبة للرياضيين لأنها مليانة بروتينات حمص ودجاج ولحم. 

أخيرا نشيل شرايح الليمون ونقلب تقليبة خفيفة أخيرة ، نصب طبقة رز ونضيف عليه طبقة من الحمص ، ومن ثم نحط اللحمة والفروج بعد ماشلنا الجلد منه ونفتته على الوجه ، ويقدم في المطاعم التركية مع الكتشب والمايونيز. وصحة وهنا.