طريقة تحضير الفروج المشوي بالبيت بنفس جودة ونكهة المطاعم

المقادير الخاصة بـ طريقة تحضير الفروج المشوي بالبيت

1.5 كيلو فروج مشوي.

2 ملعقة كبيرة ملح.

ملعقة صغيرة زنجبيل.

1ملعقة صغيرة هيل.

ملعقة صغيرة فلفل أبيض.

نصف ملعقة صغيرة قرفة.

ملعقة كبيرة كزبرة يابسة.

1ملعقة دبس بندورة.

ملعقة دبس فليفلة.

ورق غار.

عود قرفة.

حب هيل.

2 ليمون مقطع شرايح.

كاسة صغيرة ماء.

نصف كاسة صغيرة خل.

الصوص

نصف ملعقة ماجي.

نصف كاسة زيت زيتون.

ملعقة كبيرة دبس فليفلة.

1ملعقة كبيرة دبس بندورة.

ملعقة كبيرة كتشب.

طريقة تحضير الفروج المشوي بالبيت – التطبيق العملي

أولا

بينما ونحن بنغسل الفروج وننضفه منيح ، بالخلاط بنحط نص ليمونة بقشرها كذلك بنضيف الملح والكزبرة والفلفل الأبيض والزنجبيل والهيل البودرة ، بنضيف الخل ليسرع من عملية النقع ويعطي طراوة ، ومن ثم نضيف المي ودبس الفليفلة ودبس البندورة ، هدول البهارات بيخفو أي ريحة أو طعمة زناخة بالفروج ، ممكن نضيف بهارات أخرى على سبيل المثال : كاري وبابريكا وماجي.

بعد ذلك

بنحطهم بصحن كبير وبننزل باقي الليمون والقرفة وورق غار والهيل الحب ، ومن ثم نعصر الليمون بقلب التتبيلة حتى تطلع منو الزيوت.

بنعمل ثقوب بالفروج حتى تتغلل التتبيلة جواته وبنغمسه بالتتبيلة ، ونعمله مساج خفيف وندخل شرايح الليمون والتتبيلة والبهارات جواته.

بنضيف شوية مي حتى ينغمر الفروج وبنرجع نعمله تقليبة ، بنغطيه ونحطو بالبراد ، يفضل نتركه منقوع يوم كامل ولكن ممكن نشتغل فيه بعد 3 – 4 ساعات ، وهالخطوة بتخلي الفروج يتشرب المي وما ينشف لما نشويه وتضل العصارة فيه.

بعد ذلك بصينية بنحط قنينة زجاج فيها شوية مي دافية ونحط الفروج عليها متل ما موضح بالفيديو ، ونحط ورق الغار والليمون والهيل وقطعة من عود القرفة الموجودين بالتتبيلة حتى يعطرو الفروج أكتر أثناء الشوي ، ونحط شوية مي حتى لما يغلي بالفرن يتوزع البخار عالفروج وتضل العصارة فيه ويضل طري ، ننتبه مانكتر لأن الفروج رح ينزل مي وعصارة بالفرن.

كذلك بنشغل الفرن من تحت فقط على درجة حرارة 250 ، أو أعلى درجة حرارة موجودة ، بنحط الفروج ع اخر رف لمدة نص ساعة ، بعدها ننزل الحرارة ل 180 ونشغل من فوق وتحت لمدة ساعة.

في تلك الأثناء بنجهز الصوص

بالخلاط بنحط الماجي وزيت الزيتون ودبس الفليفلة ودبس البندورة وكتشب ونخلطهم.

بعد مرور نص ساعة تقريبا ننزل حرارة الفرن ل 180 و ونشغله من فوق وتحت ، ندهن الفروج بالمي والعصارة الي نزلت منه بالصينية ، وبندهنه من الصوص ونقلبو ع الجهة التانية. ونكرر العملية كل ربع ساعة عالجهة التانية.

أخيرا

ندهن الخبزة بالصوص الي عملناه ونحط الفروج عليه. وصحة وهنا.

في نهاية وصفتنا طريقة تحضير الفروج المشوي بالبيت, نتمنى لكم مذاقا طيباً شهياً

وناطرين رأيكم بالتعليقات, سواءً هون بالموقع, أو عبر متابعة صفحتنا على فيسبوك

وبنذكركم بقراءة المزيد من وصفاتنا المقترحة عبر الروابط التالية

عجينة برك بطريقة المورقة بخطوات سهلة وبسيطة

معمول العجوة (التمر) بطريقة المعلمين بالمعامل بس هل مرة بالبيت