معمول العجوة (التمر) بطريقة المعلمين بالمعامل بس هل مرة بالبيت
جربت شي مرة معمول بالبيت وطلعت معك متل معمول المحلات؟!! وعرفت شي مرة شو الأسباب يلي تخليها ما تظبط معك بالبيت لذلك تابع معنا هاد الفيديو والسلسلة يلي بعدو ورح تكتشف كل أسرار المعمول, وتحسن تساويها بالبيت وتنافس فيها اكبر معامل الحلويات |
المقادير :
250 غ طحين (كاستين ونصف)
125 غ سمن (كاسة إلا ربع)
50 حليب (ربع كاسة )
50 غ سكر ( ربع كاسة)
معلقة كبيرة قطر
نصف معلقة صغيرة فانيليا
نصف كيلو عجوة
3 معالق كبيرة سمن
كم نقطة ماء زهر
قطر ما نستخدمو الا للحاجة
وتابعو الفيدو لتعرفو الطراوة يلي لازم تطلع معنا وتحسنو تقدرو نوع العجوة يلي عنكم
القطر المستخدم
2 كاسة سكر
1 كاسة مي
نغلي ليعئد شوي وبعدها شرحة ليمون 30 ثانية ونشيلها ونتركو ليبرد
طريقة تحضير معمول العجوة :
عنا كاستين ونص طحين بساوي 250 غ
تلت رباع كاسة سمنة 125 غ
مندعك العجينة منيح فقط طحين وسمنة
منحطها بالبراد اقل شي ساعتين او لتاني يوم بكون افضل
المرحلة الثانية:
هلق منجي للمرحلة التانية منسميها التبليع
منحط ربع كاسة سكر 50 غ
وربع كاسة حليب سائل 50 غ
معلقة صغيرة فانيليا
معلقة كبيرة قطر
الخطوة الثالثة:
ثم جبنا العجينة من البراد منفرفطها ومندعكها ومنزل فوقهم الخليط السائل
ومنقلبها فقط تقليب لتغب السوائل او تحكريك ما بصير ندعكها هون كرمال ما تمسك
وبعد ذلك :
منجيب العجوة يلي عنا ومنختارها تكون شقرا
منطريها معلقتين سمنة وكم نقطة ماء زهر
منقطع العجينة والعجوة دوائر صغيرة
ومنفرد العجينة ومنحشيها العجوة ومنسكرها
منبلش طبع اما بالقالب مع رشة طحين او منلبسو جرابة للسرعة متل مو موضح بالفيديو
بعد ذلك منشغل الفرن على اعلى درجة حرارة عنا فوق وتحت
ومنحطهم على الرف الفوقاني
ثم طالعهم منرشهم رشة سمنة إلى أن نخليهم يمسكو اكثر وبتعطيهم ريحة ونكها رهيبة
أمور ونصائح لازم نفهمها صح عند تحضير معمول العجوة
_اهم شي بالمعمول يكون طحين ابيص زيرو فاخر ممتاز للمعمول غير هيك ما بيشتغل يعني طحين متعدد الاستعمال مو منيح
_طول مو حاطين طحين وسمن ندعك قد ما بدنا مافي مشكلة
_الزبدة ما بتشتغل لان فيها سوائل وزيت ما بشتغل بخلو المعمول ينشف ويحطب ويصير متل الحجار بعد يوم حصرا لازم نستخدم سمن
_بعد ما نضيف السوائل نقلب تقليب من غير دعك ما لازم تمسك العجنة متل عجين الفطائر بتنضرب ونريحها شوي حتى تغب سوائل بعدها منشتغل فيها
_لا تحطو خميرة مافي داعي الها لانو رح ينفش ويشقكك المعمول بقلب الفرن وتروح الطبعة
_اهم شي بالمعمول هو الفرن لازم ما يطولو بالفرن لانو بتغلي الحشوة وبطق وبتشقكك وبتنشف يعني اكتر شي يضلو بين 4 لل 8 دقائق
لازم نشغل الفرن على اعلى درجة حرارة
ناطرينكم تتطبقوا الوصفة وتجربوها, وتكتبوا بالتعليقات رأيكم بالنمتيجة النهائية, واي استفسار فيكم تكتبوه بالتعليقات, أو تتواصلوا معنا عن طريق صفحة اتصل بنا, أو متابعة صفحتنا على فيسبوك
