عجينة برك بطريقة المورقة بخطوات سهلة وبسيطة بقلي ومن دون قلي والقرمشة شي نغم
عجينة برك : في هذا المقال نعرض لكم طريقة تحضير أخطر وأطيب عجينة برك, بتوشفها بحياتك أو بتاكل منها, عجينة شاملة لكل شي, وإيمت ما احتجتها جاهزة للاستخدام, وبإمكانك تحطها بالفريزة وتحتفظ فيها.
|
يلا نبلش عرض المقادير و طريقة التحضير.
المقادير :
- نجهز 5 كاسات طحين, كل كاسة 100 غرام, يعني بحاجة نصف كيلو طحين.
- ملعقة ملح صغيرة
- ملعقة سكر كبيرة
- ظرف بكمبودر, بيساعد بالطبقات والرقايق حتى تنفش
طريفة التحضير :
المرحلة الأولى:
- نخلط المكونات على الناشف مع بعض (الخلط يشبه عجن الخبز الحلو )
- نضيف كاسة مي ونبدأ العجن
- ننقل العجينة على الطاولة ونبدأ عملية الدعك, كما في الفيديو, وندعك بقدر المستطاع, وبنعمها بشوية زيت
- نقطع العجينة تقريبا 8 قطع وبنتركها نرتاح
الخطوة الثانية :
- من ثم بنجيب قالب زبدة ( يفضل يكون زبدة حبواني), لكن إذا ما توفر الحيواني,
مع أن الزبدة النباتي بتفي بالغرض, ثم نضيف فوق قالب الزبدة ملعقة سمنة,
وبنخفق الزبدة مع السمنة بالملعقة, حتى يصيروا متل الكريمة,
( خكينا سابقا عن الزبدة في وصفة المعمول بعجوة). - بنرجع للقطع الـ 8 يللي قطعناهم,بنبلش نرق, بنكمش العجينة وبنحطلها شوية طحين, ونبلش نرق بالشوبك, حتى تصير بشكل الرغيف.
- بنجيب كريمة الزبدة مع السمنة, وبندهن كامل الرقاقة يللي رقيناها, وبنسكر الرقاقة على بعضها, بحيث نسكر الاطراف على بعها, افقيا, وعاموديا.
- نحضر قطعة تانية ونبدأ على رقها, وبعدين دهنها بكريمة الزبدة و السمنة, وبنسكرها من الطرفين, وبنجيب العجينة الأولى يللي سكرناها, بنحطها فوق الرقاقة يللي عم نشتغل عليها, وبنسكر الرقاقة, يعني الـ 8 قطع بهي الحالة, بدهم يطلعوا معنا 4 , بعد ما دمجنا كل تنتين مع بعض
- بنجهز صحن, وبنحط فوقه الطبقات يللي جهزناهم, بحيث نحط الطبقة, والطبقة يللي فوقها بعكسها, وبنغلف الطبقات بالستريتش النايلون, وبنحطها بالبراد, ما منطالعها لحتى تجمد الزبدة فيها تماماً
المرحلة الثالثة :
- بعد تبريد العجينة في البراد, نخرجها, نرش عليها شوية طحين, ونبدأ بالشوبك عملية الرق والفرد, بنقلبها على الوجه التاني, وكمان بالشوبك بنبلش رق, حتى الطرفين يمدو متل بعضهم.
- بعد ذلك بنقطع عجينتنا القطع يللي بدنا ياها حتى نحفظها بالفريزة, بحيث ايمت ما بدنا نطالعها ونشتغل فيها, مع ملاحظة وضع ورق الزبدة بين طبقات العجين يللي قطعناهم بالآخر.
- الآن العجينة صارت جاهزة, رح نعمل وجبتين, وحدة بالفرن برك بجبنة , ووجبة مقلية
- علينا أن ناخد طبقة من الرقائق الجاهزة يللي صارت عنا, وبنحط بقلبها الكمية يللي بنرغب فيها من الجبنة, وبنسكرها وبنقطعها لقطع صغيرة.
- و بصينية الفرن بنصف البرك وعالفرن عالسريع
- بالمثل بناخد وجبة تانية من القطع المحشية بجنبنة, ويا حبايب بنزلهم على المقلاية, حتى نحصل على أطيب برك جبنة مقلاية بالعالم.
- واذا حبيتوا فيكم تعملوا من عجينتنا السحرية, اطيب اكلة حلو, والسر انك تحط بقلب العجينة قشطة, وبعدها على الفرن, وشوية قطر فوقها بعد ما نطالعها من االفرن, وصحتين وهنا.
في النهاية وهلأ بكل صراحة, اعطونا رأيكم بهي العجينة, وبمنظرها بيفتح النفس ولا لاء يا حبايبي
ودائما يا غوالينا فيكم تشوفوا الفيديو عبر صفحتنا على فيسبوك
