الخبز الحلو : عنا بالشام بيسموها البيتي بال, و في ناس بتسميها البريوش, وآخرين بيسموه المعروك السادة أو الخبز الحلو, كلها نفس العجنة لكن الشكل بيختلف, خلونا نساوي متل ما بتعمل المحلات بالشام, الخبز الحلو بيتاكل صباحاً مع قشطة أو مع الشاي.
الوصفة اليوم بعيارات نصف كيلو طحين ليللي عيلته صغيرة
مقادير الخبز الحلو :
نصف كيلو طحين أبيض زيرو
100 غرام سكر
1 ملعقة صغيرة محلب ( 2غرام )
ملعقة صغيرة شمرة (2 غرام )
ظرف فانيليا
ظرف خميرة (10 غرام )
نص ظرف بكمبودر (5 غرام)
أيضا ملعقة زبدة (15 غرام)
بيضة عدد 1
كاسة حليب
نصف كاسة ماء
طريقة التحضير الخبز الحلو :
نقوم بوضع المكونات فوق الطحين ونبدأ العجن, وعلى طاولة المطبخ بنبلش دعك العجين حتى نوصل لعجينة ناعمة قدر المستطاع, وأثناء دعك العجين نضيف ملعقة تقريبا من الزيت ونستمر بالدعك بالطريقة الموجودة في الفيديو, وبعد ما نخلص دعك, بنقوم بتقسيم العجينة الى اقراص صغيرة وبنصفهم على الطاولة او على اي صينية وبنغطيهم , وبننتظر لحتى الخميرة تاخد مفعولها و يتضاعف حجم الاقرص.
بنجهز صينية الفرن, وبنبلش تزبيط شكل الخبز, على حسب الرغبة ومتل ما بالفيديو, بنشيل الصواني على الفرن وهو مطفي, وبنحضر شوية مي سخنة عم تطالع بخار, وبننطر بين 20 دقيقة و 30 دقيقة, بنطالعهم من الفرن وبنغطيهم شوي, وبنجيب بيضة وبنخفقها مع ظرف فانيليا, وبندهن وجه الخبز او البيتي بال, وبنحمي الفرن فوق وتحت على درجة حرارة 200 مئوية, وبننتظر ربع ساعة وبعدها بندخل الصواني على الفرن على الطبقة الوسطانية من الفرن, حتى تنفش العجينة بالشكل المطلوب.
